સ્વર:- રાજુલ મહેતા કાવ્ય પઠન;- હરિન્દ્ર દવે
આજની ઘડી તે રળિયામણી
હે મારા વા'લોજી આવ્યાની વધામણી હો જી રે

જી રે તરીયા તોરણ બંધાવીયે
હે મારા વા'લાજી મોતીડે વધાવીયા હો જી રે

જી રે લીલુડા વાંસ વઢાવીએ
હે મારા વા'લાજીનો મંડપ રચાવીએ હો જી રે

પૂરો પૂરો સોહાગણ સાથિયો
હે વા'લો આવે મલપતો હાથીયો હો જી રે

જી રે જમુનાના જળ મંગાવીએ
હે મારા વા'લાજીના ચરણ પખાળીએ હો જી રે

સહુ સખીઓ મળીને વધાવીએ
હે મારા વા'લાજીના મંગળ ગવરાવીએ હો જી રે

જી રે તનમનધન ઓવારીએ
હે મારા વા'લાજીની આરતી ઉતારી હો જી રે

જી રે રસ વાઢ્યો છે અતિ મીઠડો
હે મે'તા નરસૈના સ્વામીને દીઠડો હો જી રે
કવિશ્રી:- નરસિંહ મહેતા